NMG Doh – Page 127 – Network Media Group

ပင်မစာမျက်နှာ
သတင်း
ဓါတ်ပုံများ
ဗွီဒီယို
ထုတ်ပြန်ကြေညာချက်
နိုင်ငံတကာသတင်း
NMG အကြောင်း
Contact

Home
Author Archive

NMG Doh

Author: NMG Doh

Feb 2

အမေရိကန်တိုက်လာလျှင် ဒေသတွင်း စစ်ပွဲ ဖြစ်မည်ဟု အီရန်ခြိမ်းခြောက် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂ ရက်။ အမေရိကန်နှင့် အီရန်တို့ကြား ကြားခံနိုင်ငံများမှတစ်ဆင့် ဆွေးနွေးမှုများ ပြုလုပ်နေသော်လည်း အီရန်အဓိပတိခေါင်းဆောင် အယာတိုလာ အလီ ခါမေနီက အမေရိကန်၏ တိုက်ခိုက်မှုတိုင်းသည် ဒေသတွင်းစစ်ပွဲ (Regional War) အဖြစ်သို့ ကူးစက်သွားမည်ဖြစ်ကြောင်း ပြင်းထန်စွာ သတိပေးခဲ့သည်။ အမေရိကန်သမ္မတ ဒေါ်နယ်ထရမ့်ကမူ အီရန်နှင့် ဆွေးနွေးနေကြောင်းကို အတည်ပြုခဲ့ပြီး အီရန်အနေဖြင့် နျူကလီးယားစီမံကိန်း ရပ်တန့်ရန်နှင့် ဆန္ဒပြသူများကို သတ်ဖြတ်နေမှု ရပ်တန့်ရန် အချက်နှစ်ချက်ကို တောင်းဆိုထားသည်။ လက်ရှိတွင် ကမ္ဘာ့ရေနံတင်ပို့မှု၏ ၂၀ ရာခိုင်နှုန်း ဖြတ်သန်းရာ ဟော်မုဇ်ရေလက်ကြား၌ တင်းမာမှုများ မြင့်တက်နေသည်။ အီရန်က စစ်ရေးလေ့ကျင့်ရန် ပြင်ဆင်နေသကဲ့သို့ အမေရိကန်ကလည်း USS Abraham Lincoln လေယာဉ်တင်သင်္ဘောကို စေလွှတ်ထားသည်။ တစ်ချိန်တည်းမှာပင် အီရန်ပြည်တွင်း၌ ဆန္ဒပြသူများကို အကြမ်းဖက်နှိမ်နင်းမှုကြောင့် သေဆုံးသူ ၆,၃၀၀ ကျော်မှ ၃၀,၀၀၀ ခန့်အထိ ရှိနိုင်ကြောင်း လူ့အခွင့်အရေးအဖွဲ့များက ခန့်မှန်းထားသည်။ အီရန် ခေါင်းဆောင် အယာတိုလာ ခါမေနီကမူ ယင်းဆန္ဒပြမှုများကို အာဏာသိမ်းရန် ကြိုးပမ်းမှုအဖြစ် ရှုမြင်လျက်ရှိသည်။

အမေရိကန်တိုက်လာလျှင် ဒေသတွင်း စစ်ပွဲ ဖြစ်မည်ဟု အီရန်ခြိမ်းခြောက်

Feb 2

SpaceX က ရုရှား၏ Starlink အသုံးပြုမှုကို တားဆီးခြင်း သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂ ရက်။ Elon Musk ၏ SpaceX ကုမ္ပဏီသည် ရုရှားစစ်တပ်က Starlink အင်တာနက်စနစ်ကို ခွင့်ပြုချက်မရှိဘဲ ခိုးယူအသုံးပြုနေမှုကို နည်းပညာအရ အောင်မြင်စွာ တားဆီးနိုင်ခဲ့ကြောင်း ထုတ်ပြန်ကြေညာသည်။ ယူကရိန်းစစ်တပ်သည် ဒရုန်းစစ်ဆင်ရေးနှင့် ဆက်သွယ်ရေးအတွက် Starlink ကို အဓိကအားထားနေရသဖြင့် ရုရှား၏ အသုံးပြုမှုကို ကန့်သတ်နိုင်ရန် SpaceX နှင့် ပူးပေါင်းဆောင်ရွက်ခဲ့ခြင်းဖြစ်သည်။ လက်ရှိတွင် ပထမအဆင့်အဖြစ် ရုရှားဒရုန်းများကို တားဆီးရာတွင် သိသာထင်ရှားသည့် ရလဒ်များ ရနေပြီဟု ဆိုသည်။ SpaceX ကုမ္ပဏီက ၎င်းတို့အနေနဲ့ Starlink စက်တွေကို ရုရှားနိုင်ငံဆီ တိုက်ရိုက်ရောင်းချခြင်း မရှိသလို၊ ရုရှားအစိုးရ ဒါမှမဟုတ် စစ်တပ်နဲ့လည်း ဘယ်လိုစီးပွားရေးမျိုးမှ လုပ်ဆောင်ခြင်းမျိုး မရှိဘူးဟု ငြင်းဆိုထားသည်။

SpaceX က ရုရှား၏ Starlink အသုံးပြုမှုကို တားဆီးခြင်း

Feb 2

မလေးရှားက ဆီခိုး ပြောင်းထည့်နေသော သင်္ဘော နှစ်စီး ဖမ်းဆီး သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂ ရက်။ မလေးရှားနိုင်ငံ၊ ပီနန်း (Penang) ကမ်းလွန်၌ တရားမဝင် ရေနံလွှဲပြောင်းနေသည့် သင်္ကာမကင်းဖွယ် ရေနံတင်သင်္ဘောနှစ်စင်းကို မလေးရှားရေကြောင်းရဲတပ်ဖွဲ့ (MMEA) က ဖမ်းဆီးထိန်းသိမ်းခဲ့သည်။ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ (Amnesty International) ၏ အစီရင်ခံစာတွင် အီရန်နိုင်ငံသည် "အရိပ်သင်္ဘော (Ghost Ships)" များ အသုံးပြု၍ မြန်မာစစ်ကောင်စီထံ ရေနံနှင့် လေယာဉ်ဆီများ ပေးပို့နေကြောင်း ထုတ်ဖော်ခဲ့ပြီး မကြာမီတွင် ဤကိစ္စ ဖြစ်ပွားခဲ့ခြင်း ဖြစ်သည်။ အဆိုပါသင်္ဘောများပေါ်၌ အမေရိကန်ဒေါ်လာ ၁၂၉.၉ သန်းခန့် တန်ဖိုးရှိ ရေနံစိမ်းများကို သိမ်းဆည်းရမိခဲ့ပြီး ဒေါ်လာ ၁၈၀ သန်းခန့် တန်ဖိုးရှိ သင်္ဘောကြီးနှစ်စင်းကိုလည်း သိမ်းဆည်းခဲ့သည်။ သင်္ဘောပေါ်တွင် မြန်မာ၊ တရုတ်၊ အီရန်၊ ပါကစ္စတန်နှင့် အိန္ဒိယနိုင်ငံသား အမှုထမ်း စုစုပေါင်း ၅၃ ဦး ပါဝင်ပြီး ကပ္ပတိန်နှစ်ဦးကို စုံစမ်းစစ်ဆေးရန် ဖမ်းဆီးထားသည်။ မလေးရှားရေပိုင်နက်သည် ရေနံ၏ မူရင်းဒေသကို ဖုံးကွယ်ရန်အတွက် သင်္ဘောချင်းကပ်၍ ရေနံလွှဲပြောင်းလေ့ရှိရာ အာဏာပိုင်များက ယခုအခါ ခွင့်ပြုချက်မရှိဘဲ ကျောက်ချခြင်းနှင့် တရားမဝင် ရေနံလွှဲပြောင်းခြင်းဆိုင်ရာ ဥပဒေများဖြင့် အမှုဖွင့်စစ်ဆေးလျက်ရှိသည်။

မလေးရှားက ဆီခိုး ပြောင်းထည့်နေသော သင်္ဘော နှစ်စီး ဖမ်းဆီး

Feb 2

ရွေးကောက်ပွဲ နောက်ပိုင်း မြန်မာနိုင်ငံ အပေါ် ချည်းကပ်ရန် ထိုင်းနိုင်ငံက နည်းလမ်းသစ် အဆိုပြု သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂ ရက်။ မြန်မာနိုင်ငံတွင် ကျင်းပခဲ့သော ရွေးကောက်ပွဲ၌ စစ်တပ်ကျောထောက်နောက်ခံပြု USDP ပါတီ အနိုင်ရခဲ့ပြီးနောက် တက်လာမည့် အစိုးရသစ်ကို "Calibrated Engagement" ခေါ် အခြေအနေပေါ်မူတည်၍ ချိန်ဆထိတွေ့ဆက်ဆံသည့် နည်းလမ်းဖြင့် ဆောင်ရွက်ရန် ထိုင်းနိုင်ငံက အာဆီယံသို့ အဆိုပြုခဲ့သည်။ ယင်းသည် ချက်ချင်းအသိအမှတ်ပြုခြင်းမျိုး မဟုတ်ဘဲ မြန်မာဘက်မှ အကြမ်းဖက်မှု လျှော့ချခြင်းနှင့် လူသားချင်းစာနာမှု အကူအညီများ ခွင့်ပြုခြင်းစသည့် သတ်မှတ်ချက်များ (Benchmarks) အပေါ် မူတည်၍ တစ်ဆင့်ချင်း ဆောင်ရွက်သွားမည့် နည်းလမ်းဖြစ်သည်။ ကုလသမဂ္ဂနှင့် ဗြိတိန်အပါအဝင် နိုင်ငံတကာအသိုင်းအဝိုင်းက ယင်းရွေးကောက်ပွဲကို "ဟန်ပြ" အဖြစ် ရှုတ်ချထားသော်လည်း ဖိလစ်ပိုင်နိုင်ငံခြားရေးဝန်ကြီးကမူ အပြုသဘောဆောင်သော အပြောင်းအလဲများ ဖြစ်ပေါ်လာနိုင်မလားဆိုသည်ကို စောင့်ကြည့်လျက်ရှိသည်။ သို့ရာတွင် အာဆီယံအနေဖြင့် မြန်မာစစ်ခေါင်းဆောင်များကို အစည်းအဝေးတက်ရောက်ခွင့် ပိတ်ပင်ထားဆဲဖြစ်ပြီး မူဝါဒ ၅ ချက်အပေါ်တွင်သာ ဆက်လက်အခြေခံသွားမည်ဖြစ်သည်။

ရွေးကောက်ပွဲ နောက်ပိုင်း မြန်မာနိုင်ငံ အပေါ် ချည်းကပ်ရန် ထိုင်းနိုင်ငံက နည်းလမ်းသစ် အဆိုပြု

Feb 2

နှစ်ပေါင်း ၅၀ ကျော်အတွင်း လကမ္ဘာကို ပထမဆုံး လူသွားမည့် ဒုံးပြန်ကို စမ်းသပ် သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂ ရက်။ နှစ်ပေါင်း ၅၀ ကျော်အတွင်း လကမ္ဘာကို လူသားတွေ ပထမဆုံးအကြိမ် ထပ်မံ သွားရောက်မယ့် အာကာသ ခရီးစဉ် အတွက် ဂြိုလ်တု လွှတ်တင်မယ့် ဒုံးပျံကြီးကို ဒီကနေ့မှာ အေးခဲနေတဲ့ ရာသီဥတု ကြားမှာ စမ်းသပ်နေပါတယ်။ ၁၉၆၉-၇၂ ခုနှစ်တွေမှာ အပိုလို ဂြိုလ်တု စီမံကိန်းတွေနဲ့ စုစုပေါင်း ကမ္ဘာလူသား ၁၂ ယောက် လပေါ်ကို ခြေချနိုင်ခဲ့ပါတယ်။ အဲဒီတုန်းက ခရီးစဉ်ကတော့ အမေရိကန်နဲ့ ဆိုဗီယက် ယူနီယမ် ဘယ်သူက လပေါ်ကို အရင်ခြေချမလဲ ဆိုတာ ပြိုင်ဆိုင်ခဲ့ကြတာပါ။ ၁၉၇၂ ခုနှစ်က စလို့ လကို လူသွားတဲ့ ခရီးစဉ်တွေ မရှိခဲ့တော့ပါဘူး။ အခု Artemis ဆိုတဲ့ စီမံကိန်းမှာမှ လကို လူတွေ ထပ်သွားဖို့ စီစဉ်လာတာ ဖြစ်ပါတယ်။ သွားတဲ့ ရည်ရွယ်ချက်ကတော့ အရင်လို ခြေချပြီး ပြန်လာရုံ မဟုတ်တော့ပါဘူး။ Artemis 1, 2, 3 ဆိုပြီး နံပါတ် ၂ ခရီးစဉ်မှာ လူ ၄ ယောက်လိုက်ပါပြီး လကို ပတ်ပြီး လေ့လာပါမယ်။ Artemia 3 မှာတော့ လကမ္ဘာမှ အခြေစိုက် စခန်း ဖွင့်ပြီး လရဲ့ တောင်ဝန်ရိုးစွန်းမှာ ရှိတဲ့ ရေခဲတွေကနေ အောက်ဆီဂျင်နဲ့ လောင်စာ ထုတ်ယူဖို့ ကြိုးစားမှာပါ။ ဒုတိယ ရည်ရွယ်ချက်ကတော့ လကမ္ဘာမှာ နေထိုင်သွားလာမှုကို လေ့ကျင့်ပြီး အင်္ဂါဂြိုလ်ကို သွားမှာ ဖြစ်ပါတယ်။ ကြား စခန်းလည်းဟုတ် လေ့ကျင့်ရေး စခန်းလည်းဟုတ်တဲ့ အာကာသ အခြေစိုက် စခန်းတစ်ခု တည်ဆောက်ဖို့ ဖြစ်ပါတယ်။ တတိယ ရည်ရွယ်ချက်ကတော့ လကမ္ဘာမှာရှိနေတဲ့ ရှားပါး သတ္တုတွေကို စီးပွားဖြစ် ထုတ်ယူဖို့ ဖြစ်ပါတယ်။ ဒီကနေ့ Artemis 2 လွှတ်တင်ဖို့အတွက် NASA ဟာ အမြင့်ပေ ၃၂၂ ပေရှိတဲ့ SLS (Space Launch System) ရော့ကတ်ကြီးထဲကို အလွန်အေးခဲတဲ့ အရည်ကြည်အောက်ဆီဂျင်နဲ့ ဟိုက်ဒရိုဂျင် လောင်စာဂါလံပေါင်း ၇၅၀,၀၀၀ ကျော် ဖြည့်တင်းတဲ့ စမ်းသပ်မှုလုပ်ဆောင်နေတာပါ။ ဒီလုပ်ဆောင်ချက်အောင်မြင်ခဲ့မယ် ဆိုရင်တော့ ဖေဖော်ဝါရီလ ၈ ရက် ဒါမှမဟုတ် အဲဒီနောက်ပိုင်းမှာ Artemis 2 ဂြိုလ်တုကို လွှတ်တင်မှာ ဖြစ်ပါတယ်။ အပိုလို စီမံကိန်းတုန်းက အမေရိကန်နိုင်ငံသား လူဖြူတွေသာ ပါဝင်ခဲ့ပေမယ့် ဒီတခါ Artemis စီမံကိန်းမှာတော့ တခြား အသားအရောင်ရှိသူတွေ အမျိုးသမီးတွေလည်း ပါဝင်လာမှာ ဖြစ်ပါတယ်။

နှစ်ပေါင်း ၅၀ ကျော်အတွင်း လကမ္ဘာကို ပထမဆုံး လူသွားမည့် ဒုံးပျံကို စမ်းသပ်

Feb 2

လေကြောင်းတိုက်ခိုက်မှုကို စကားလုံးဖြင့် တားမရဟု အာဆီယံအမတ်များ သတိပေး   သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂ ရက်။   စစ်ကော်မရှင်၏ လေကြောင်းတိုက်ခိုက်မှုများကို စကားလုံးသက်သက်ဖြင့် တားဆီး၍မရနိုင်တော့ကြောင်းနှင့် အာဆီယံအနေဖြင့် ‘ပြည်တွင်းရေးမစွက်ဖက်ရေး’ မူဝါဒကို ကျော်လွန်ကာ လက်တွေ့ကျသည့် ဖိအားများပေးရန် အာဆီယံ လူ့အခွင့်အရေးဆိုင်ရာ လွှတ်တော်အမတ်များအဖွဲ့ (APHR) က တိုက်တွန်းလိုက်သည်။ မြန်မာနိုင်ငံတွင် စစ်အာဏာသိမ်းမှု ၅ နှစ်ပြည့်မြောက်ချိန် ဖေဖော်ဝါရီလ ၁ ရက်နေ့၌ အာဆီယံ လူ့အခွင့်အရေး ဆိုင်ရာ လွှတ်တော်အမတ်များအဖွဲ့ (APHR) က တိုက်တွန်းလိုက်ခြင်း ဖြစ်သည်။ မြန်မာပြည်သူများ ၅ နှစ်တာ ခံစားနေရသည့် ဘေးဒုက္ခများသည် နယ်စပ်ကိုကျော်လွန်၍ ဒေသတွင်း မတည်ငြိမ်မှုများ အထိ ရိုက်ခတ်လာနေပြီဖြစ်ကြောင်း APHR က ထောက်ပြထားသည်။ ထိုင်းလွှတ်တော်အမတ် ရန်စီမံရုန်းက “စကားလုံးတွေနဲ့ပဲ ပြောနေလို့ လေကြောင်းတိုက်ခိုက်မှုတွေကို တားနိုင် မှာ မဟုတ်သလို၊ ဖိအားမပါတဲ့ တွေ့ဆုံဆွေးနွေးမှုတွေကလည်း အရပ်သားတွေကို မကာကွယ်နိုင်ဘူး” ဟု ပြောဆိုလိုက်ပြီး စစ်ကော်မရှင်အပေါ် ထိရောက်သည့် အရေးယူမှုများ ပြုလုပ်ရန် တောင်းဆိုခဲ့သည်။ အလားတူ ၂၀၂၆ ခုနှစ်၏ အာဆီယံဥက္ကဋ္ဌ ဖြစ်လာသည့် ဖိလစ်ပိုင်နိုင်ငံမှ လွှတ်တော်အမတ် လိုင်လာဒီလီမာက လည်း မြန်မာ့အရေးအတွက် ရေရှည်တည်တံ့သော ဖြေရှင်းနည်းများကို အာဆီယံက မဖြစ်မနေ ရှာဖွေရမည်ဟု ဆိုသည်။ စစ်ကော်မရှင်က အတင်းအဓမ္မ ကျင်းပခဲ့သည့် ရွေးကောက်ပွဲအပေါ်တွင်လည်း APHR က ပြင်းပြင်းထန်ထန် ကန့်ကွက်ထားပြီး ယင်းသည် စစ်ရာဇဝတ်ကောင်များကို အကာအကွယ်ပေးရန် ရည်ရွယ်သည့် ‘ဟန်ပြ’ ဖြစ်စဉ်သာဖြစ်ကြောင်း ဝေဖန်ခဲ့သည်။ ပြည်သူများသည် လက်တုံ့ပြန်ခံရမည်ကို ကြောက်ရွံ့၍သာ မဲပေးခဲ့ကြရခြင်းဖြစ်ပြီး၊ အတိုက်အခံပါတီများကို ဖယ်ထုတ်ထားသည့် အဆိုပါရွေးကောက်ပွဲ၌ ကြံ့ခိုင်ရေးပါတီက အနိုင်ရရှိခြင်းမှာ ကြိုတင်ဇာတ်တိုက်ထား သည့်အတိုင်းသာ ဖြစ်သည်ဟု APHR က ဆိုသည်။

လေကြောင်းတိုက်ခိုက်မှုကို စကားလုံးဖြင့် တားမရဟု အာဆီယံအမတ်များ သတိပေး  

Feb 2

၅ နှစ်အတွင်း မြန်မာ့စီးပွားရေး ဒေါ်လာဘီလီယံ ၁၀၀ ဆုံးရှုံးခဲ့ကြောင်း ကုလသမဂ္ဂ သတိပေး  သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂ ရက်။ မြန်မာနိုင်ငံတွင် စစ်အာဏာသိမ်းမှု ၅ နှစ်ပြည့်မြောက်ချိန်၌ ပြည်သူများ၏ ဒုက္ခသည် အဆိုးရွားဆုံးအခြေအနေ သို့ ရောက်ရှိနေပြီး နိုင်ငံ၏ စီးပွားရေးမှာလည်း အမေရိကန်ဒေါ်လာ ဘီလီယံ ၁၀၀ ခန့် ဆုံးရှုံးသွားခဲ့ကြောင်း ကုလသမဂ္ဂက သတိပေး ထုတ်ပြန်လိုက်သည်။ ကုလသမဂ္ဂ၏ နောက်ဆုံးမှတ်တမ်းများ အရ နိုင်ငံအတွင်းရှိ လူဦးရေ၏ လေးပုံတစ်ပုံခန့်သည် ငတ်မွတ်ခေါင်းပါး မှုဒဏ်ကို ရင်ဆိုင်နေရပြီး လူသားချင်းစာနာမှုဆိုင်ရာ အကူအညီများ အရေးပေါ်လိုအပ်နေသည်ဟု ဆိုသည်။ စစ်ကော်မရှင်က အတင်းအဓမ္မ ဖော်ဆောင်နေသည့် ရွေးကောက်ပွဲကာလ အတွင်းမှာပင် လေကြောင်း တိုက်ခိုက်မှုပေါင်း ၄၀၀ ကျော် ပြုလုပ်ခဲ့သဖြင့် အရပ်သား ၁၇၀ ကျော် သေဆုံးခဲ့ရသည်ဟု ဆိုသည်။ ၎င်းတို့အနက် ဇန်နဝါရီလနှောင်းပိုင်းက ကချင်ပြည်၊ ဗန်းမော်မြို့နယ်တွင် ဖြစ်ပွားခဲ့သည့် လေကြောင်းဗုံးကြဲမှု ကြောင့် အရပ်သား ၅၀ ကျော် သေဆုံးခဲ့ရသည့် ဖြစ်ရပ်မှာ အဆိုးရွားဆုံးဖြစ်ခဲ့သည်။ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးက စစ်ကော်မရှင်၏ ရွေးကောက်ပွဲသည် နိုင်ငံရေးထွက်ပေါက် မဟုတ်ကြောင်း ထောက်ပြဝေဖန်လိုက်ပြီး “ဒီရွေးကောက်ပွဲဟာ မြန်မာ့လူ့အဖွဲ့အစည်းကို ပိုမိုစိတ်ဝမ်းကွဲစေတဲ့ ဖြစ်စဉ်သာဖြစ်တယ်” ဟု မှတ်ချက်ပြုခဲ့သည်။ ထို့ပြင် ဒေါ်အောင်ဆန်းစုကြည် အပါအဝင် မတရားဖမ်းဆီးခံထားရသူ အားလုံးကို ချက်ချင်းပြန်လွှတ်ပေးရန်နှင့် အရပ်သားပြည်သူများ အပေါ် ကျူးလွန်နေသည့် အကြမ်းဖက်မှုများကို အမြန်ဆုံးရပ်တန့်ရန် နိုင်ငံတကာ အသိုင်းအဝိုင်းက စစ်ကော်မရှင်ကို ဖိအားပေးကြရန် ကုလသမဂ္ဂက ထပ်မံတိုက်တွန်းထားသည်။ လက်ရှိ မြန်မာနိုင်ငံ၏ အခြေအနေသည် ပြည်တွင်းစစ်ကြောင့် ပျက်စီးယိုယွင်းမှုများ သာမက စီးပွားရေး စနစ်တစ်ခုလုံး ပြိုလဲလုနီးပါးဖြစ်နေသည့် အန္တရာယ်နှင့် ရင်ဆိုင်နေရခြင်း ဖြစ်သည်။

၅ နှစ်အတွင်း မြန်မာ့စီးပွားရေး ဒေါ်လာဘီလီယံ ၁၀၀ ဆုံးရှုံးခဲ့ကြောင်း ကုလသမဂ္ဂ သတိပေး  

Feb 2

၅ နှစ်အတွင်း အမျိုးသမီး ၁,၀၀၀ နီးပါး လိင်ပိုင်းဆိုင်ရာ အကြမ်းဖက်ခံရဟု WLB ထုတ်ပြန်   သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ ဖေဖော်ဝါရီလ ၂ ရက်။ မြန်မာနိုင်ငံတွင် စစ်အာဏာသိမ်းထားသည့် ၅ နှစ်တာကာလအတွင်း အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှုပေါင်း ၁,၀၀၀ နီးပါးအထိ ရှိလာနေပြီဖြစ်ကြောင်း အမျိုးသမီးများအဖွဲ့ချုပ် (မြန်မာနိုင်ငံ) - WLB က ဖေဖော်ဝါရီလ ၁ ရက်နေ့တွင် ထုတ်ပြန်လိုက်သည်။ WLB မှ ထုတ်ပြန်သည့် “၂၀၂၅ ခုနှစ်ကို လည်ပြန်ကြည့်ခြင်း” အစီရင်ခံစာအရ ပြီးခဲ့သည့် ၂၀၂၅ ခုနှစ် တစ်နှစ် တည်းမှာပင် လိင်နှင့် ဂျဲန်ဒါအခြေပြု အကြမ်းဖက်မှုပေါင်း ၂၀၉ မှုအထိ ရှိခဲ့သည်။ အဆိုပါ ကျူးလွန်မှုများထဲတွင် အိမ်တွင်းအကြမ်းဖက်မှုများက အများဆုံးဖြစ်နေသော်လည်း၊ စစ်အုပ်စုက ရည်ရွယ်ချက်ရှိရှိ ကျူးလွန်သည့် မုဒိမ်းမှုများနှင့် လိင်ပိုင်းဆိုင်ရာ နှောင့်ယှက်စော်ကားမှုများမှာလည်း ထိတ်လန့် ဖွယ်ရာ ကိန်းဂဏန်းများဖြင့် ပါဝင်နေသည်။ စစ်အုပ်စုသည် ၎င်းတို့ကျူးလွန်သမျှကို မည်သည့်အရေးယူမှုမျှ မရှိသည့် ‘ပြစ်ဒဏ်ကင်းလွတ်ခွင့် (Impunity)’ ကို အခွင့်ကောင်းယူကာ တိုင်းရင်းသူ အမျိုးသမီးများနှင့် မိန်းကလေးငယ်များကို စစ်လက်နက်သဖွယ် အသုံးချကာ ပစ်မှတ်ထား တိုက်ခိုက်နေခြင်းဖြစ်ကြောင်း WLB က ဝေဖန်ထောက်ပြထားသည်။ ထို့ပြင် ယခုကဲ့သို့သော အကြမ်းဖက်မှုများတွင် စစ်အုပ်စုသာမက အခြားသော လက်နက်ကိုင်အင်အားစု အချို့ လည်း ပါဝင်နေသည်ကို စိစစ်တွေ့ရှိရကြောင်း ဆိုသည်။ ကျူးလွန်သူများကို ထိရောက်စွာ အရေးယူနိုင်ရန်နှင့် အမျိုးသမီးများအပေါ် အကြမ်းဖက်မှုများ ရပ်တန့်စေရန် အတွက် နိုင်ငံတကာ အသိုင်းအဝိုင်းအနေဖြင့် စစ်အုပ်စု၏ အတုအယောင် ရွေးကောက်ပွဲကို ငြင်းပယ်ရန်၊ စစ်ကော်မရှင်ထံ လက်နက်နှင့် လေယာဉ်ဆီ ရောင်းချပေးနေမှုများကို ချက်ချင်းရပ်တန့်ရန် အပါအဝင် အချက် ၄ ချက်ကို WLB က အရေးပေါ် တောင်းဆိုထားသည်။ အမျိုးသမီးများအပေါ် မြေပြင်တွင် ယခုကဲ့သို့ ကျူးလွန်မှုများ ရှိနေသည့်တိုင် စစ်ကော်မရှင်က အတင်းအဓမ္မ လုပ်ဆောင်နေသည့် ရွေးကောက်ပွဲ လုပ်ငန်းစဉ်အပေါ်တွင်မူ ကုလသမဂ္ဂနှင့် အာဆီယံလွှတ်တော်အမတ်များ (APHR) က နိုင်ငံတကာစံနှုန်းများနှင့် ကိုက်ညီမှုမရှိသည့်အပြင် တရားဝင်မှုမရှိကြောင်း ပြင်းပြင်းထန်ထန် ဝေဖန် ကန့်ကွက်ထားကြသည်။ လက်ရှိတွင် မြန်မာနိုင်ငံတဝန်း တိုက်ပွဲများ၊ စစ်ရေးပဋိပက္ခများကြား၌ အမျိုးသမီးများသည် လုံခြုံမှုကင်းမဲ့သည့် ဘဝများကို ဖြတ်သန်းနေရပြီး၊ တရားမျှတမှု ရရှိနိုင်မည့် လမ်းစများမှာလည်း စစ်အုပ်စု၏ ဖိနှိပ်မှုများအောက် တွင် ပျောက်ကွယ်နေဆဲ ဖြစ်သည်ဟု အမျိုးသမီးရေး တက်ကြွလှုပ်ရှားနေသူများက ပြောသည်။

၅ နှစ်အတွင်း အမျိုးသမီး ၁,၀၀၀ နီးပါး လိင်ပိုင်းဆိုင်ရာ အကြမ်းဖက်ခံရဟု WLB ထုတ်ပြန်  

Feb 1

သွေးစွန်းသော မဲပုံးများနှင့် "Made in China" အရိပ်အောက်က ရွေးကောက်ပွဲ   သတင်းနှင့်မီဒီယာ ကွန်ရက်။ ၂၀၂၆ ခုနှစ်၊ ဇန်နဝါရီလ ၃၀ ရက်။ မြန်မာနိုင်ငံ မြောက်ပိုင်း၏ ကောင်းကင်ယံသည် ဆောင်းရာသီ၏ အအေးဓာတ်ကြောင့် မှိုင်းညို့နေရုံတင်မကဘဲ စစ်ကော်မရှင်၏ လက်နက်ကြီး မီးခိုးငွေ့များကြောင့်ပါ ထပ်ဆင့်အုံ့မှိုင်းနေခဲ့သည်။ မြောက်ပိုင်းဒေသ၏ ဆောင်းက အသားထဲစိမ့်ဝင်အောင် အေးမြလွန်းလှသော်လည်း၊ ရှမ်းပြည်မြောက်ပိုင်းနှင့် ကချင်ပြည်၏ မြို့ပြအချို့တွင်မူ နိုင်ငံရေး အပူရှိန်က တောက်လောင်လျက်ရှိသည်။ စစ်ကော်မရှင်သည် ၎င်းတို့၏ နိုင်ငံရေးထွက်ပေါက် အဖြစ် အပိုင်း (၃) ပိုင်းခွဲ၍ ကျင်းပသည့် ရွေးကောက်ပွဲ၏ နောက်ဆုံးအဆင့်ကို နိုင်ငံတစ်ဝှမ်း၌ အတင်းအဓမ္မ ဖော်ဆောင်လျက်ရှိသည်။ သို့သော် မြေပြင်၌ ကြားနေရသည်မှာ မဲပေးသူတို့၏ ဆန္ဒဖော်ထုတ်သံ သို့မဟုတ် မဲရုံဆီသို့ လျှောက်လှမ်းသည့် ခြေသံများမဟုတ်ပေ။ ဖားကန့်မြို့၏ တုန်ဟီးနေသော လက်နက်ကြီးသံများနှင့် ကျောက်မဲ၊ သီပေါမြို့တို့၏ ခြောက်ကပ်နေသော လမ်းမ ထက်က တိတ်ဆိတ်မှုများသာ ဖြစ်သည်။ လူသူကင်းမဲ့နေသည့် လမ်းမများ၏ ထိုတိတ်ဆိတ်မှုသည်ပင် စစ်ကော်မရှင်၏ အဓမ္မရွေးကောက်ပွဲအပေါ် ပြည်သူတို့၏ အသံတိတ် ဆန့်ကျင်မှုကို သက်သေပြနေသကဲ့သို့ ရှိတော့သည်။ +++ ရှမ်းမြောက်၏ ခြောက်ကပ်သော မဲရုံများနှင့် ‘ကိုယ်စားပြုမှုမဲ့ခြင်း’ +++ ရှမ်းပြည် မြောက်ပိုင်း၏ အချက်အချာကျသော ကျောက်မဲနှင့် သီပေါမြို့နယ်များတွင် ကျင်းပခဲ့သည့် ရွေးကောက်ပွဲသည် ‘ကိုယ်စားပြုမှု လုံးဝမရှိသော ရွေးကောက်ပွဲ’ အဖြစ် သမိုင်းတွင်ခဲ့သည်။ ကျောက်မဲမြို့နယ်တွင် ကျေးရွာအုပ်စုပေါင်း ၈၁ အုပ်စု ရှိသော်လည်း စစ်ကော်မရှင်သည် မြို့ပေါ်ရပ်ကွက် ၉ ခုနှင့် ကျေးရွာအုပ်စု ၅ အုပ်စုတွင်သာ မဲရုံများ ဖွင့်လှစ်နိုင်ခဲ့သည်။ ဤသည်မှာ တစ်မြို့နယ်လုံး၏ ၆ ရာခိုင်နှုန်းခန့်သာ ရှိပြီး ကျန်ရှိသည့် ၉၄ ရာခိုင်နှုန်းသော ဒေသခံများမှာ မဲပေးခွင့် ချန်လှပ်ခံခဲ့ရသည်။ ယင်းအခြေအနေနှင့် ပတ်သက်၍ ရှမ်းတိုင်းရင်းသားများ ဒီမိုကရက်တစ်ပါတီ (SNDP) နှင့် နီးစပ်သူတစ်ဦးက ယခုကဲ့သို့ မှတ်ချက်ပြုသည်။ “အခုကျင်းပတဲ့ ရွေးကောက်ပွဲမှာ ရှမ်းတိုင်းရင်းသားတွေ အများဆုံးနေထိုင်တဲ့ ရွာတွေ မပါဝင်ဘူးပေါ့ဗျာ။ ဒါကြောင့် ဒီရွေးကောက်ပွဲဟာ ဒေသခံတွေကို ကိုယ်စားပြုမှုမရှိသလို တရားမျှတမှုလည်း မရှိပါဘူး။” ကျောက်မဲမြို့ခံတစ်ဦးကလည်း မဲရုံများ၏ လက်တွေ့ပုံရိပ်ကို ယခုကဲ့သို့ ပြောပြသည်။ “မြို့ထဲမှာ မဲလာပေးတဲ့သူက လက်ချိုးရေလို့ရတယ်။ မဲရုံပိတ်ခါနီးတဲ့အထိ တစ်ယောက်စ နှစ်ယောက်စပဲ လာကြတာ။ စစ်တပ်ကတော့ မဲပေးသူ ၅ သောင်းကျော်ရှိတယ်လို့ ထုတ်ပြန်ထားပေမဲ့ လက်တွေ့မှာတော့ မဲရုံတွေက ခြောက်ကပ်နေတာပါ။ လူတွေက မဲပေးဖို့ထက် လုံခြုံရေးအတွက်ပဲ စိုးရိမ်နေကြတာ။” အထူးသဖြင့် ရှမ်းတိုင်းရင်းသား အများစု နေထိုင်သည့် ကျေးရွာများမှာ စစ်ကော်မရှင်၏ ထိန်းချုပ်မှုအောက်တွင် မရှိသဖြင့် ရွေးကောက်ပွဲ နယ်မြေအတွင်း မပါဝင်ခဲ့ပေ။ စစ်ကော်မရှင်က မဲပေးသူ ငါးသောင်းကျော်ရှိသည်ဟု ဝါဒဖြန့်ထားသော်လည်း မြေပြင်တွင် မဲရုံများမှာ ခြောက် ကပ်နေခဲ့သည်။ ကျောက်မဲမြို့ခံတစ်ဦး၏ အဆိုအရ မဲရုံပိတ်ခါနီးအချိန်အထိ မဲလာပေးသူမှာ လက်ချိုးရေ၍ ရသလောက်သာ ရှိပြီး လူထုမှာ မဲပေးရန်ထက် လုံခြုံရေးအတွက်သာ စိုးရိမ်နေကြရသည်။ သီပေါမြို့တွင်လည်း မဲပေးသူ မရှိသလောက် နည်းပါးခဲ့ပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) ကသာ ပြိုင်ဘက်မရှိ အနိုင်ရသည့် ပုံစံမျိုးဖြင့် ရွေးကောက်ပွဲကို အဆုံးသတ်ခဲ့သည်။ +++ ဖားကန့်၏ လက်နက်ကြီးသံများကြားက သွေးစွန်းသော ရွေးကောက်ပွဲ +++ ကချင်ပြည်၊ ဖားကန့်မြို့တွင်မူ ရွေးကောက်ပွဲသည် တိတ်ဆိတ်ရုံတင်မကဘဲ အရပ်သားများ၏ သွေးမြေကျမှုနှင့် ပါ ရင်ဆိုင်ခဲ့ရသည်။ စစ်ကော်မရှင်သည် ရွေးကောက်ပွဲ ကျင်းပနိုင်ရန် ဖားကန့်မြို့အဝင်အထွက် တံတားများကို ဇန်နဝါရီ ၂၃ ရက်နေ့ ကတည်းက ပိတ်ဆို့ထားခဲ့သည်။ မြေပြင်အခြေအနေနှင့် ပတ်သက်၍ ဖားကန့်မြို့ခံတစ်ဦးက “မဲရုံတွေကတော့ ဖွင့်ထားတာပဲ၊ ဒါပေမဲ့ တစ်မြို့ လုံးက ဘယ်သူမှလည်း မဲသွားမပေးဘူး၊ အိမ်ထဲမှာပဲ အောင်းနေကြတာ။ အပြင်မှာလည်း လက်နက်ကြီးသံတွေ ကလည်း ကြားနေရတာဆိုတော့ ဘယ်သူက သွားပေးရဲမှာလဲ။ ဝန်ထမ်းအချင်းချင်းပဲ ပေးနေတာ တွေ့ရတယ်” ဟု ပြောသည်။ ဇန်နဝါရီ ၂၅ ရက် နံနက်ပိုင်းမှ စတင်ကာ ရွေးကောက်ပွဲ ကျင်းပစဉ်ကာလအတွင်း ဖားကန့်ဗျူဟာကုန်းနှင့် ရဲစခန်းဘက်မှ လက်နက်ကြီးများ တရစပ် ပစ်ခတ်ခဲ့မှုကြောင့် အရပ်သား ၅ ဦးထက်မနည်း ပြင်းထန်စွာ ဒဏ်ရာရရှိခဲ့သည်။ မြေပြင်၌ ကူညီပေးနေသူတစ်ဦးက “လက်နက်ကြီးကျည်က မြို့ပေါ်ရပ်ကွက်တွေထဲ ကျတာ။ တောင်ပြိုရွာမှာ တစ်ယောက်၊ ဆိပ်မူမှာ နှစ်ယောက် ထိတယ်။ မြို့ပေါ်မှာလည်း ထိတာရှိတော့ အားလုံးပေါင်း ၅ ယောက်ထက် မနည်း ဒဏ်ရာရထားတယ်။ အဲဒီထဲက ၃ ယောက်ကတော့ တော်တော်စိုးရိမ်ရလို့ ခွဲစိတ်ခန်းဝင်နေရတယ်” ဟု ပြောသည်။ နောက်ထပ် မြို့ခံတစ်ဦးကလည်း စစ်တပ်၏ ဖိအားပေးမှုကို ယခုကဲ့သို့ ပြောပြသည်။   “မနက်ကတည်းက လက်နက်ကြီးသံတွေက တစ်ချက်ပြီးတစ်ချက်ပဲ၊ အိမ်တွေတောင် တုန်နေတာ။ ရွေးကောက်ပွဲ လုပ်နေတဲ့ ရပ်ကွက်တွေထဲကို လက်နက်ကြီးတွေ ကျနေတာဆိုတော့ ဘယ်သူမှ သိပ်ပြီး အပြင်မထွက်ရဲကြဘူး။ စစ်သားတွေကတော့ ကျောင်းတွေထဲမှာ သေနတ်တွေနဲ့ စောင့်နေကြတာပဲ။” စစ်ကော်မရှင်က မြို့အဝင်အထွက် တံတားများကို ပိတ်ဆို့ကာ လုံခြုံရေး အင်အားအလုံးအရင်းဖြင့် မဲရုံများ ဖွင့်လှစ်ခဲ့သော်လည်း မြေပြင်တွင် မဲပေးသူမှာ ဝန်ထမ်းအချို့သာ ရှိခဲ့သည်။ ရွေးကောက်ပွဲ ကျင်းပနေစဉ်အတွင်း လက်နက်ကြီးကျည်များမှာ ငှက်ပျောတောရပ်ကွက်နှင့် မြို့မရပ်ကွက်ရှိ လူနေအိမ်များပေါ်သို့ ကျရောက်ခဲ့သည်။ ထိုဖြစ်စဉ်ကြောင့် အရပ်သား ၅ ဦးထက်မနည်း ပြင်းထန်စွာ ဒဏ်ရာရရှိခဲ့ပြီး အချို့မှာ အသက်အန္တရာယ် စိုးရိမ်ရသည့် အခြေအနေမျိုး ဖြစ်သည်ဟု ဖားကန့်မြို့ခံအချို့က အတည်ပြုပြောသည်။ အဆိုပါအချက်မှာ စစ်ကော်မရှင်၏ ‘အေးချမ်းတည်ငြိမ်စွာ မဲပေးနေကြသည်’ ဆိုသည့် ထုတ်ပြန်ချက်နှင့် မြေပြင် အခြေအနေ မည်မျှကွာဟနေကြောင်း ပြသနေသည့် သက်သေပင် ဖြစ်သည်။ +++ အမျိုးသား ဒီမိုကရေစီ အဖွဲ့ချုပ် NLD ပါဝင်ခွင့်မရှိတဲ့ ရွေးကောက်ပွဲ +++ ၂၀၂၁ ခုနှစ် စစ်တပ်မှ အာဏာသိမ်းယူသည့် အချိန်တွင် မြန်မာနိုင်ငံတွင် အမျိုးသား ဒီမိုကရေစီ အဖွဲ့ချုပ် NLD ပါတီ ဦးဆောင်သော အစိုးရ ရှိနေခဲ့သည်။ NLD ပါတီသည် ၂၀၁၅ ခုနှစ် ရွေးကောက်ပွဲနှင့် ၂၀၂၀ ရွေးကောက်ပွဲ တို့တွင် ရှမ်းပြည်နှင့် ရခိုင်ပြည်မှ အပ တိုင်းရင်းသား ဒေသများ အပါအဝင် တစ်နိုင်ငံလုံးတွင် သောင်ပြိုကမ်းပြို အနိုင်ရ ထားသော ပါတီ ဖြစ်သည်။ သို့သော်လည်း အမျိုးသား ဒီမိုကရေစီ အဖွဲ့ချုပ် NLD ပါတီမှာ ယခု ရွေးကောက်ပွဲ တွင် ပါဝင် နိုင်ခြင်း မရှိခဲ့ပါ။ ယင်းသည်ပင် ရွေးကောက်ပွဲ၏ အဓိက အကျဆုံးသော အရွေးချယ် ခံပိုင်ခွင့် အခွင့်အရေး ဆုံးရှုံးခဲ့ခြင်း ဖြစ်သည်။ NLD ပါတီသည် ၂၀၂၅-၂၆ ရွေးကောက်ပွဲတွင် ပါဝင်ခြင်းမရှိရသည့် အဓိကအကြောင်းရင်းမှာ စစ်ကောင်စီက ခန့်အပ်ထားသော ပြည်ထောင်စုရွေးကောက်ပွဲကော်မရှင် (UEC) က NLD ပါတီကို နိုင်ငံရေးပါတီအဖြစ်မှ ဖျက်သိမ်းလိုက်ခြင်း ကြောင့် ဖြစ်သည်။ စစ်ကောင်စီက ထုတ်ပြန်ခဲ့သည့် "နိုင်ငံရေးပါတီများ မှတ်ပုံတင်ခြင်းဥပဒေသစ်" အရ သတ်မှတ်ရက်အတွင်း ပါတီကို ပြန်လည်မှတ်ပုံမတင်သည့်အတွက်ကြောင့်ဟု ဆိုကာ ၂၀၂၃ ခုနှစ် မတ်လ ၂၈ ရက် တွင် NLD အပါအဝင် ပါတီပေါင်း ၄၀ ကို ဖျက်သိမ်းကြောင်း ကြေညာခဲ့သည်။ NLD ပါတီဘက်ကမူ စစ်ကောင်စီသည် တရားဝင်အစိုးရမဟုတ်သည့်အတွက် ၎င်းတို့ထုတ်ပြန်သည့် ဥပဒေများကို လိုက်နာရန်မလိုကြောင်းနှင့် အဆိုပါရွေးကောက်ပွဲသည်လည်း တရားမျှတမှုရှိမည်မဟုတ်သဖြင့် မှတ်ပုံတင်မည်မဟုတ်ကြောင်း ကြိုတင်ကြေညာခဲ့သည်။ ရန်ကုန်မြို့ရှိ NLD ဌာနချုပ်အပါအဝင် တစ်နိုင်ငံလုံးရှိ ပါတီရုံးခန်းအများအပြားသည် စီးနင်းခံရခြင်း၊ ချိပ်ပိတ်ခံရခြင်းနှင့် ဗုံးခွဲဖျက်ဆီးခံရခြင်းများကို ကြုံတွေ့ခဲ့ရသည်။ NLD ပါတီမှာ ယခင် ရွေးကောက်ပွဲများတွင် ရှမ်းပြည်နှင့် ရခိုင်ပြည်တို့မှ လွဲ၍ ကျန် ပြည်နယ်များ အားလုံးတွင် အနိုင်ရခဲ့သော ပါတီဖြစ်ရာ NLD ပါဝင်ခွင့်မရခြင်းသည်ပင်လျှင် တိုင်းရင်းသား ဒေသများတွင် နိုင်ငံရေး ပါတီများ၏ ရွေးချယ်ခံပိုင်ခွင့်မှာ လုံးဝ ဆုံးရှုံးနေသည်ကို ပြသနေသည်။ +++ "Made in China" ရွေးကောက်ပွဲ +++ ယခုရွေးကောက်ပွဲ၏ နောက်ကွယ်တွင် တရုတ်နိုင်ငံ၏ ကြီးမားသော တွန်းအားနှင့် ဖိအားများ ပါဝင်နေကြောင်း တက်ကြွလှုပ်ရှားသူများက ထောက်ပြကြသည်။ ကချင်အမျိုးသမီး အစည်းအရုံး-ထိုင်းနိုင်ငံ (KWAT) မှ စည်းရုံးလှုံ့ဆော်ရေးအဖွဲ့ တာဝန်ခံ ဆန်ထွယ်က စစ်ကော်မရှင်၏ ရွေးကောက်ပွဲကို ယခုကဲ့သို့ အမည်တပ်လိုက်သည်။ “စစ်ကော်မရှင်ရဲ့ ရွေးကောက်ပွဲကို ကြည့်ရတာတော့ Made in China ပေါ့နော်၊ တရုတ်ပြည်က ထုတ်လုပ်တဲ့ ရွေးကောက်ပွဲလို့တောင် ပြောလို့ရတယ်။ ကျမတို့ရဲ့ ကချင်ဒေသ မြစ်ဆုံ Dam ကို ပြန်လုပ်ဖို့ ဖိအားပေးနေတာ တွေ၊ လူတွေလွှတ်နေတာတွေ ရှိတယ်။ ဒါတွေက အလဲအလှယ်လုပ်တဲ့ ပုံစံမျိုး ဖြစ်နေလို့ Made in China Election လို့ ပြောလို့ရတာပါ။” သျှမ်းသံတော်ဆင့် သတင်းဌာန၏ အယ်ဒီတာချုပ် စိုင်းမိဏ်း ကလည်း တရုတ်၏ ဝင်ရောက်စွက်ဖက်မှုကို ယခုကဲ့သို့ သုံးသပ်သည်။ “တိန့်ရှီကျွန်း ပြောတဲ့ စကားကို ကြည့်ခြင်းအားဖြင့် တရုတ်က တခြားနိုင်ငံရဲ့ ပြည်တွင်းရေးကို ဝင်ရောက် မစွတ်ဖက်ပါဘူးဆိုတဲ့ မူဝါဒကို သူတို့ကိုယ်တိုင် ကျော်လွန်ပြီး မြန်မာပြည်အပေါ် ဖိအားပေး ရွေးကောက်ပွဲ လုပ်ခိုင်းတဲ့ ပုံစံဖြစ်နေတယ်။ အာဏာသိမ်းစစ်ခေါင်းဆောင် ကိုယ်တိုင်က အဆင်သင့် ဖြစ်မနေဘဲနဲ့ ရွေးကောက်ပွဲ လုပ်ရတဲ့ သဘောလည်း ပြနေတယ်။” ရွေးကောက်ပွဲ စောင့်ကြည့်သူများနှင့် တက်ကြွလှုပ်ရှားသူများက စစ်ကော်မရှင်၏ ရွေးကောက်ပွဲကို "Made in China Election" ဟု သတ်မှတ်လိုက်ကြသည်။ တရုတ်နိုင်ငံသည် ၎င်းတို့၏ One Belt One Road (BRI) စီမံကိန်းများနှင့် မြစ်ဆုံရေကာတာ စီမံကိန်းများကို ပြန်လည် အသက်သွင်းရန်အတွက် စစ်ကော်မရှင်ကို ရွေးကောက်ပွဲ ကျင်းပရန် ဖိအားပေးခဲ့ခြင်း ဖြစ်သည်။ တရုတ်အာရှရေးရာ အထူးကိုယ်စားလှယ် တိန့်ရှီကျွန်း၏ ပြောကြားချက်များအရ ဤရွေးကောက်ပွဲသည် တရုတ်၏ တိုက်ရိုက်ဝင်ရောက် စွက်ဖက်မှုနှင့် စစ်ကော်မရှင်၏ တရားဝင်မှု ရှာဖွေမှုတို့ ပေါင်းစပ်ထားသည့် ရလဒ်ဖြစ်ကြောင်း ပေါ်လွင်နေသည်။ +++ ရွေးကောက်ပွဲအလွန် ပိုမိုပြင်းထန်လာမည့် ပဋိပက္ခ +++ ရွေးကောက်ပွဲ ပြီးဆုံးသွားသော်လည်း မြန်မာနိုင်ငံ၏ ပဋိပက္ခမှာ လျော့ကျသွားမည့် လက္ခဏာ မရှိပေ။ စစ်ကော်မရှင်က ကျင်းပခဲ့သည့် ရွေးကောက်ပွဲမှာ ငြိမ်းချမ်းရေးကို ဦးတည်ခြင်းမဟုတ်ဘဲ ပိုမိုကြီးမားသော တိုက်ပွဲများ၏ အစပျိုးခြင်းသာ ဖြစ်ကြောင်း တော်လှန်ရေး အင်အားစုများက သတိပေးလိုက်သည်။ ရှေ့ဆက်လာမည့် စစ်ရေးအခြေအနေကို ကရင်နီပြည် အင်အားစုကိုယ်စားလှယ် ခွန်းသောမတ်စ် က ယခုကဲ့သို့ သုံးသပ်သည်။ “ရွေးကောက်ပွဲ ပြီးသွားရင်လည်း ကျနော် ထင်တယ်။ စစ်ရေးနဲ့ ပတ်သက်ပြီးတော့ လျှော့ကျ သွားမယ့် အခြေအနေမျိုး မရှိဘူး။ ရွေးကောက်ပွဲ ပြီးသွားရင်တောင်မှ ကျနော်တို့ တော်လှန်ရေးဖက်ကတော့ ဒီထက်ပိုအားကောင်းတဲ့ အခြေအနေမျိုးတွေ ပြင်ဆင်မှုတွေ ရှိတယ်။ အဲတော့ ဒီထက်ပိုပြင်းတဲ့ တိုက်ပွဲမျိုးတွေ ဒီထက်ပို ကျယ်ပြန့်မဲ့ တိုက်ပွဲမျိုးတွေ ဆက်ပြီးတော့ သွားမဲ့ အခင်းအကျင်းမျိုးပဲ ရှိပါတယ်ပေါ့။” တော်လှန်ရေး အင်အားစုများသည် ရွေးကောက်ပွဲ ရလဒ်ကို အသိအမှတ်ပြုမည် မဟုတ်ဘဲ စစ်အာဏာရှင်စနစ် အမြစ်ပြတ်ရေးအတွက် ဗျူဟာမြောက် စုစည်းမှုများဖြင့် ဆက်လက် တိုက်ပွဲဝင်သွားရန် ပြင်ဆင်နေကြသည်။ မြန်မာ့အမျိုးသမီးသမဂ္ဂ (BWU) မှ မတင်တင်ညို ကလည်း ပြည်သူ့ဆန္ဒနှင့် ပတ်သက်၍ “ဒီတစ်ခေါက် နွေဦး တော်လှန်ရေးက မဖြစ်မနေ ဒီအာဏာရှင်ကို အဆုံးသတ်ရမယ်ဆိုတဲ့ ခံယူချက်က အခုထိ ခိုင်ခိုင်မာမာ ရှိနေဆဲ ပဲ။ ရွေးကောက်ပွဲက ဘယ်လိုရလဒ်ပဲ ရရှိလာ ရရှိလာ ကျမတို့ကတော့ ပြည်သူလူထုတွေ အားလုံးရဲ့ အကျိုး စီးပွားကို ရှေးရှုတဲ့ အနေနဲ့ကတော့ စစ်အာဏာရှင်စနစ်နဲ့ အာဏာရှင် မှန်သမျှ ပြုတ်ကျဖို့အတွက်တော့ ဆက်ပြီးတော့ တွန်းလှန်သွားရမယ်” ဟု ပြောသည်။ စစ်အာဏာရှင်စနစ်ကို အဆုံးသတ်ရန်အတွက် ပြည်သူလူထုနှင့် တော်လှန်ရေး အင်အားစုများအကြား ဗျူဟာမြောက် စုစည်းမှုသည် ယခုအချိန်တွင် အရေးအကြီးဆုံး ဖြစ်ကြောင်း တိုက်တွန်းထားသည်။ +++ ခြိမ်းခြောက်မှုအောက်က မဲပုံးများနှင့် သွေးစွန်းမည့် ရွေးကောက်ပွဲအလွန် အလားအလာ +++ ရွေးကောက်ပွဲ ဖြစ်မြောက်ရေးအတွက် စစ်ကော်မရှင်သည် လူထုအား နည်းမျိုးစုံဖြင့် အကျပ်ကိုင်ခဲ့သည်။ ရွေးကောက်ပွဲ ကာလအတွင်းမှာပင် မဲမထည့်သူများကို ခြိမ်းခြောက်ခြင်း၊ နေအိမ်များကို မီးရှို့ခြင်းနှင့် ခရီးသွား လာခွင့် ကန့်သတ်ခြင်းများကို လုပ်ဆောင်ခဲ့သည်။ အထူးသဖြင့် စစ်ဘေးရှောင် ပြည်သူများကို နေရပ်မပြန်ပါက နေအိမ်များ မီးရှို့မည်ဟု ခြိမ်းခြောက်ခြင်း၊ လူငယ် များကို မဲမပေးလျှင် တက္ကသိုလ်တက်ခွင့် ပိတ်ပင်ခြင်း စသည့် လူ့အခွင့်အရေး ချိုးဖောက်မှုများမှာ အထင်အရှား ရှိနေသည်။ KWAT မှ ဆန်ထွယ် က ရွေးကောက်ပွဲအလွန် စိုးရိမ်ရမှုကို ယခုကဲ့သို့ ထပ်လောင်းပြောဆိုသည်။ “ကျမတို့ မြင်တာကတော့ ဒါကတော့ သူတို့အနေနဲ့ သူတို့နဲ့ မိတ်ဖက်တဲ့ နိုင်ငံတကာတွေနဲ့ ချိတ်ဆက်ပြီးမှ မြန်မာနိုင်ငံ သူတို့ရဲ့ ဒီစီးပွားရေး လမ်းကြောင်းတွေ ဖွင့်ယူပြီးမှ တိုင်းရင်းသားဒေသတွေမှာ စစ်ပဋိပက္ခ ပိုပြီးမှ ဖွင့်ဖို့အတွက် ကို သူတို့ပိုက်ဆံတွေ ရှာသွားနိုင်တဲ့ အခြေအနေလည်း ရှိလာနိုင်တယ်။ ဒါကြောင့်မို့လို့ ဒီ Election အလွန်ပေါ့နော်။ ရွေးကောက်ပွဲ အလွန်ကတော့ ပဋိပက္ခတွေနဲ့ သတ်ဖြတ်မှုတွေ ပိုများနိုင်တယ်ဆိုတဲ့ဟာမျိုး ကို လည်း ကျမတို့ တွေ့ရတယ်။” ယခုကျင်းပခဲ့သည့် စစ်ကော်မရှင်၏ ရွေးကောက်ပွဲသည် မြန်မာ့နိုင်ငံရေး ပြဿနာကို ဖြေရှင်းနိုင်မည့် နည်းလမ်း မဟုတ်ဘဲ နိုင်ငံ၏ အချုပ်အခြာအာဏာနှင့် သယံဇာတများကို တရုတ်နိုင်ငံသို့ အလဲအလှယ်လုပ်ကာ စစ်ခေါင်း ဆောင်များ၏ သက်တမ်းကို ဆွဲဆန့်ရန် ကြိုးပမ်းမှုသာ ဖြစ်သည်ဟု သုံးသပ်ထားကြသည်။ ပြည်သူလူထုမှာ မဲပုံးထဲသို့ ဆန္ဒမဲများ ထည့်ရန်ထက် လေယာဉ်ဗုံးကြဲမှု၊ လက်နက်ကြီး၊ ကျည်ဆန်များကြားမှ အသက်ရှင်သန်ရန်သာ ကြိုးပမ်းနေကြရသည်။ စစ်ကော်မရှင်၏ ရွေးကောက်ပွဲသည် တရားဝင်မှု မရှိသလို၊ ပြည်သူ့၏ ကိုယ်စားပြုမှုလည်း ကင်းမဲ့နေသည်။ အဆိုပါ ရွေးကောက်ပွဲသည် ပြည်သူ့ဆန္ဒကို မျက်ကွယ်ပြုရုံတင်မကဘဲ ပြည်သူ့အသက်ပေါင်းများစွာကို စတေး ၍ ကျင်းပခဲ့ခြင်း ဖြစ်သည်ဟု ဆိုကြသည်။ မတရားမှုကို အခြေခံ၍ တည်ဆောက်ထားသော ရွေးကောက်ပွဲရလဒ်သည် မြန်မာနိုင်ငံအတွက် ပိုမိုနက်ရှိုင်း သော စစ်မီးကိုသာ ယူလာပေးလိမ့်မည်ဟု ပြည်သူများနှင့် ရွေးကောက်ပွဲ စောင့်ကြည့်သူများက ယုံကြည် ထားကြသည်။ မဲပုံးထဲက မဲစာရွက်များထက် မြေပြင်က လက်နက်ကြီးကျည်ခွံများက ပိုမိုများပြားနေသည့် ဤရွေးကောက်ပွဲ သည် မြန်မာ့နိုင်ငံရေး အကျပ်အတည်းအတွက် ထွက်ပေါက်မဟုတ်ဘဲ ပိုမိုနက်ရှိုင်းသော ပဋိပက္ခတွင်းသို့ ဆွဲခေါ် သွားမည့် လမ်းညွှန်ချက်သာ ဖြစ်နေသည်ဟု ထောက်ပြပြောဆိုမှုများ ရှိနေသည်။ ထို့ကြောင့် နိုင်ငံတကာ အသိုင်းအဝိုင်းအနေဖြင့် စစ်ကော်မရှင် ‘အတုအယောင် ရွေးကောက်ပွဲ’ ကို အသိအမှတ် မပြုရန်နှင့် မြေပြင်တွင် အမှန်တကယ် အုပ်ချုပ်ရေး ယန္တရားများကို တည်ဆောက်နေသည့် တော်လှန်ရေး အဖွဲ့အစည်းများ ကိုသာ ကူညီပေးရန် တိုက်တွန်းတောင်းဆိုနေကြသည်။

သွေးစွန်းသော မဲပုံးများနှင့် “Made in China” အရိပ်အောက်က ရွေးကောက်ပွဲ  

« Prev 1 … 125 126 127 128 129 … 1,114 Next »

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဗုဒ္ဓဟူးနေ့ည ရုပ်သံသတင်း (၁၃-၅-၂၆)

ဒီနေ့ အစီအစဉ်တွေထဲမှာတော့…..

– ချင်းပြည်နဲ့ စစ်ကိုင်းတိုင်းမှာ စစ်တပ်က လေကြောင်းက ဗုံးကြဲလို့ စစ်သုံ့ပန်းတွေ အပါအဝင် လူသေဆုံး

– ရှမ်းမြောက်-ကချင် အစပ် မဘိမ်းဘက်မှာ စစ်တပ်က အင်အားအမြောက်အများ တိုးချဲ့

– ထိုင်းရောက် မြန်မာတွေ လုံခြုံရေးနဲ့ အလုပ်လုပ်ဖို့ အကန့်အသတ်တွေက ဘာတွေလဲ။

– UFC ခါးပတ်ပိုင်ရှင် ဂျော့ရှူဝါဗန် ထိုင်းနဲ့ မလေးရှားကို လာဖို့ရှိ

– အမေရိကား-တရုတ် ထိပ်သီး အစည်းအဝေး မတိုင်ခင် ဘာတွေ ကြိုတင် ပြင်ဆင်နေသလဲ

– ပီကင်း ထိပ်သီး ဆွေးနွေးပွဲ မတိုင်ခင် ဖိလစ်ပိုင်နဲ့ အမေရိကန် စစ်လေ့ကျင့်မှု

– ယူကရိန်း ဒရုန်းတွေက စစ်ပွဲတွေအတွက် ခေတ်သစ်တစ်ခု ပြောင်းစေမလား

– ၂ နှစ်ကျော်က မြုပ်သွားတဲ့ ရုရှား သင်္ဘောမှာ ဘာတွေပါသလဲ

×Close

News

အချိုရည် သောက်သူများ အစာအိမ်ကင်ဆာ ဖြစ်နိုင်ချေ ၃ ဆပို — August 20, 2026 2:35 pm
ဓာတ်ဆီပြတ်လပ်မှုကြောင့် မော်စကိုနှင့် ရုရှားတစ်ဝှမ်း ရောင်းချမှု ကန့်သတ် — August 20, 2026 2:33 pm
ထိုင်း-မြန်မာ နယ်စပ်ဖြတ်ကျော်ရာဇဝတ်မှုများ နှိမ်နင်းရန် စစ်ဦးစီးချုပ်များဆွေးနွေး — August 20, 2026 2:30 pm

Recent Posts

မောင်တော၌ စစ်ကျန်ဗုံးသီး ပေါက်ကွဲ၍ ကလေးငယ် ၁၀ ဦး ဒဏ်ရာရ
စစ်ကိုင်းတိုင်း ကနီ၌ စစ်တပ် စစ်ကြောင်းထိုး၍ ပြည်သူ ၁၀,၀၀၀ ခန့် စစ်ရှောင်နေရ၊ ဒေသခံအချို့ ဖမ်းခံရ
နတ်ရေကန်သို့ စစ်ကူလာသည့် စစ်တပ်ကို AA ကြားဖြတ်တိုက်ခိုက်
အချိုရည် သောက်သူများ အစာအိမ်ကင်ဆာ ဖြစ်နိုင်ချေ ၃ ဆပို
ဓာတ်ဆီပြတ်လပ်မှုကြောင့် မော်စကိုနှင့် ရုရှားတစ်ဝှမ်း ရောင်းချမှု ကန့်သတ်

Archives

Archives

×Close