သတင်း

မော်ချီး သတ္တုတွင်းဒေသ ဗုံးကြဲ၊ အရပ်သား တစ်ဦး ပြင်းထန် ဒဏ်ရာရ သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇန္နဝါရီလ ၃၀ ရက်။ ကရင်နီ (ကယား)ပြည်၏ အဓိကသတ္တုတွင်းဒေသဖြစ်သော မော်ချီးမြို့ကို စစ်ကော်မရှင်တပ် လေကြောင်းမှ ပေါင် ၅၀၀ ဗုံးဖြင့် ဗုံးကြဲတိုက်ခိုက်ခဲ့ရာ အရပ်သားတစ်ဦး ပြင်းထန်စွာဒဏ်ရာရခဲ့သည်ဟု ဒေသခံများက ပြော သည်။ မော်ချီးမြို့ကို စစ်ကော်မရှင်တပ်က ဇန်နဝါရီလ ၃၀ ရက်နေ့၊ ညနေပိုင်းတွင် လေကြောင်းမှတစ်ဆင့် ပေါင် ၅၀၀ ဗုံးဖြင့် ဗုံးကြဲတိုက်ခိုက်ခဲ့ရာ အရပ်သား အမျိုးသားတစ်ဦး ဗုံးစထိမှန်ပြီး စိုးရိမ်ရသည့်ဒဏ်ရာများ ရရှိခဲ့ကြောင်း ဒေသခံများက ပြောသည်။ ဒေသခံတစ်ဦးက ထိုဖြစ်စဉ်ကို “အသံလည်း မကြားရဘူး၊ ဗြုန်းခနဲ သူချတယ်။ အရင်ဆုံး တစ်လုံးချတယ်၊ ပြီးမှ သူ့ပေါ် ပါလာတဲ့ ပွိုင့် ၈ (.8) ကို သူပစ်ချတယ်။ လာကြဲတဲ့ အချိန်ကတော့ ၄ နာရီခွဲ၊ ၅ နာရီ ဝန်းကျင်မှာ ပဲ။ အလုပ်ခွင်ဟောင်းမှာပဲ၊ အိမ်တွေဘာတွေတော့ မထိဘူး။ အဲ့ဒီထိတဲ့ တစ်ယောက်က အဝေးကနေ ဗုံးအစ စင်ထိတာ” ဟု ရှင်းပြသည်။ ဘောလခဲခရိုင်၊ ဖားဆောင်းမြို့နယ်အတွင်းရှိ မော်ချီးမြို့၊ အလုပ်ခွင်ဟောင်းနေရာတစ်ခုကို ဇန်နဝါရီလ ၃၀ ရက်၊ ညနေ ၅ နာရီဝန်းကျင်တွင် စစ်ကော်မရှင်တပ်၏ တိုက်လေယာဉ်တစ်စီးက ရုတ်တရက်ရောက်ရှိလာပြီး ပေါင် ၅၀၀ ဗုံးတစ်လုံး ကြဲချတိုက်ခိုက်ခဲ့ခြင်းဖြစ်သည်။ အဆိုပါ လေကြောင်းတိုက်ခိုက်မှုကြောင့် အသက်အန္တရာယ်စိုးရိမ်ရသည့် အမျိုးသားတစ်ဦးမှာ ရင်ဘတ်တွင် ဗုံးစထိမှန်ခဲ့ပြီး လက်ရှိတွင် ဆေးကုသမှု ခံယူနေရသည်။ မော်ချီးဒေသသည် စစ်ကော်မရှင်၏ လေကြောင်းပစ်မှတ်အဖြစ် အကြိမ်ကြိမ် ခံနေရသည့် ဒေသဖြစ်ပြီး၊ ပြီးခဲ့ သည့် ၂၀၂၅ ခုနှစ်အတွင်း၌ပင် ၁၀ ကြိမ်ထက်မနည်း ဗုံးကြဲတိုက်ခိုက်ခံခဲ့ရသည်။ ယခင်နှစ် နိုဝင်ဘာလ ၂၁ ရက်နေ့ကလည်း မော်ချီးရှိ ခဲလုပ်ကွက် ၃ ခုကို စစ်တပ်က ဗုံးကြဲခဲ့သဖြင့် ခဲလုပ်သား ၅ ဦး သေဆုံးခဲ့ရသည့် သာဓကများ ရှိခဲ့သည်။ မော်ချီးမြို့ကို ၂၀၂၄ ခုနှစ်၊ ဇန်နဝါရီလ ၂၇ ရက်နေ့တွင် ကရင်နီတော်လှန်ရေး တပ်ပေါင်းစုများက တိုက်ခိုက် သိမ်းပိုက်နိုင်ခဲ့ပြီးနောက်ပိုင်း စစ်ကော်မရှင်တပ်သည် လက်လွှတ်လိုက်ရသည့် နယ်မြေများသို့ လေကြောင်းမှ တစ်ဆင့် အရပ်သားပစ်မှတ်များကိုသာ ဦးတည်တိုက်ခိုက်နေခြင်း ဖြစ်သည်။ လက်ရှိတွင် စစ်ကော်မရှင်တပ်၏ လေကြောင်းရန်မှာ မည်သည့်အချိန်တွင်မဆို ကျရောက်လာနိုင်သည့်အတွက် ဒေသခံပြည်သူများနှင့် စစ်ဘေးရှောင်များအနေဖြင့် ဗုံးခိုကျင်းများ စနစ်တကျတူးထားကြရန်နှင့် လေကြောင်း သတိပေးချက်များကို အထူးဂရုပြုရန် ဒေသတွင်း တော်လှန်ရေးတပ်ဖွဲ့များက တိုက်တွန်းနှိုးဆော်ထားသည်။

မော်ချီး သတ္တုတွင်းဒေသ ဗုံးကြဲ၊ အရပ်သား တစ်ဦး ပြင်းထန် ဒဏ်ရာရ

မော်ချီး သတ္တုတွင်းဒေသ ဗုံးကြဲ၊ အရပ်သား တစ်ဦး ပြင်းထန် ဒဏ်ရာရ သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္နဝါရီလ ၃၀ ရက်။  ကရင်နီ (ကယား)ပြည်၏ …

  • January 30, 2026
ကြယ်ငါးပွင့် အဆင့် သက်တောင့်သက်သာရှိစေမည်ဆိုက တောင်ကိုရီးယားက ကနေဒါကို ရေငုတ်သင်္ဘောရောင်းရန် ကမ်းလှမ်း   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၃၀ ရက်။ တောင်ကိုရီးယားနိုင်ငံက ကြယ်ငါးပွင့် အဆင့် သက်တောင့်သက်သာရှိမည့် ဒီဇိုင်း ထည့်သွင်းပေးမည်ဟု ဆိုကာ ကနေဒါက လိုအပ်နေသော ရေငုတ်သင်္ဘောများ ရောင်းချရန် ကမ်းလှမ်းလိုက်သည်။ ကနေဒါရေတပ်သည် ၁၉၉၀ ပြည့်လွန်နှစ်များကတည်းက အသုံးပြုခဲ့သော ဟောင်းနွမ်းနေသည့် ရေငုပ်သင်္ဘောများနေရာတွင် အစားထိုးရန်အတွက် အမေရိကန်ဒေါ်လာ (၁၂) ဘီလီယံကျော် တန်ဖိုးရှိသည့် ဒီဇယ်စွမ်းအင်သုံး တိုက်ခိုက်ရေးရေငုပ်သင်္ဘော (၁၂) စီး ဝယ်ယူရေးစီမံကိန်းကို ပြင်ဆင်လျက်ရှိသည်။ ယင်းစီမံကိန်းတွင် တောင်ကိုရီးယားနိုင်ငံက ၎င်းတို့၏ ရေငုပ်သင်္ဘောများကို "ကြယ်ငါးပွင့်ဟိုတယ်" အဆင့် သက်တောင့်သက်သာရှိစေမည့် ဒီဇိုင်းများဖြင့် ထည့်သွင်းတည်ဆောက်ပေးမည်ဟု ဆိုကာ တင်ဒါအောင်မြင်ရန် ကမ်းလှမ်းလာခဲ့သည်။ တောင်ကိုရီးယား သမ္မတ၏ စီမံကိန်းညွှန်ကြားရေးမှူးချုပ် ကန်ဟွန်းဆစ် (Kang Hoon-sik) ဦးဆောင်သောအဖွဲ့သည် ကနေဒါနိုင်ငံသို့ သွားရောက်၍ စည်းရုံးလှုံ့ဆော်မှုများ ပြုလုပ်ခဲ့သည်။ တောင်ကိုရီးယားက ၎င်းတို့၏ ရေငုပ်သင်္ဘောများကို "မိမိတို့၏ သားသမီးများ ကိုယ်တိုင်စီးနင်းမည့် သင်္ဘောကဲ့သို့ အန္တရာယ်ကင်းရှင်းရမည်ဖြစ်ပြီး သက်တောင့်သက်သာ နားနားနေနေ ရှိရမည်" ဟူသော စိတ်ဓာတ်ဖြင့် တည်ဆောက်ထားကြောင်း နှိုင်းယှဉ်တင်ပြခဲ့သည်။ ဤစီမံကိန်းသည် လက်နက်ဝယ်ယူရေးသက်သက်မဟုတ်ဘဲ ရေရှည်စက်မှုကဏ္ဍ ပူးပေါင်းဆောင်ရွက်ရေးကိုပါ ရည်ရွယ်သည်။ တောင်ကိုရီးယား၏ နာမည်ကြီး Hanwha နှင့် Hyundai ကုမ္ပဏီကြီးများသည် ကနေဒါကုမ္ပဏီများနှင့်အတူ AI နည်းပညာ၊ ဂြိုဟ်တုနှင့် အာရုံခံစနစ် (Sensor) ဆိုင်ရာ သဘောတူညီချက် (၆) ခုကို လက်မှတ်ရေးထိုးခဲ့ပြီး ကနေဒါနိုင်ငံတွင် အလုပ်အကိုင်ပေါင်း (၂၀,၀၀၀) ခန့် ဖန်တီးပေးရန် ကတိပြုထားသည်။ လက်ရှိတွင် တောင်ကိုရီးယားသည် ဤစီမံကိန်းအတွက် ဂျာမနီနိုင်ငံ၏ Thyssenkrupp (TKMS) ကုမ္ပဏီနှင့် ယှဉ်ပြိုင်နေရသည်။ အကယ်၍ တောင်ကိုရီးယားအနေဖြင့် ဤတင်ဒါကို အောင်မြင်ခဲ့ပါက ၎င်းတို့နိုင်ငံအတွက် အကြီးမားဆုံးသော အနောက်နိုင်ငံဈေးကွက် (NATO ဈေးကွက်) သို့ အလုံးအရင်းဖြင့် ထိုးဖောက်ဝင်ရောက်နိုင်မည့် သမိုင်းမှတ်တိုင်တစ်ခု ဖြစ်လာမည်ဖြစ်သည်။

ကြယ်ငါးပွင့် အဆင့် သက်တောင့်သက်သာရှိစေမည်ဆိုက တောင်ကိုရီးယားက ကနေဒါကို ရေငုတ်သင်္ဘောရောင်းရန် ကမ်းလှမ်း

ကြယ်ငါးပွင့် အဆင့် သက်တောင့်သက်သာရှိစေမည်ဆိုက တောင်ကိုရီးယားက ကနေဒါကို ရေငုတ်သင်္ဘောရောင်းရန် ကမ်းလှမ်း  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္…

  • January 30, 2026
ထိုင်ဝမ်၏ ကိုယ်ပိုင်ဒီဇိုင်းထုတ် ရေငုပ်သင်္ဘော 'နားဝဲလ်' ရေအောက်စမ်းသပ်မှု အောင်မြင် သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇန္နဝါရီလ ၃၀။ ထိုင်ဝမ်နိုင်ငံသည် ၎င်းတို့ကိုယ်တိုင် ဒီဇိုင်းရေးဆွဲ တည်ဆောက်ထားသည့် ပထမဆုံးသော ရေငုပ်သင်္ဘော 'နားဝဲလ်' (Narwhal) ကို ဇန်နဝါရီလ ၂၉ ရက်နေ့က ကော့ရှောင် (Kaohsiung) ဆိပ်ကမ်းအနီးတွင် ပထမဆုံးအကြိမ် ရေအောက်စမ်းသပ် မောင်းနှင်မှု ပြုလုပ်ခဲ့ရာ အောင်မြင်မှု ရရှိခဲ့ကြောင်း ကြေညာခဲ့သည်။ ဤရေငုပ်သင်္ဘောသည် တရုတ်နိုင်ငံ၏ ရေကြောင်းခြိမ်းခြောက်မှုများကို ဟန့်တားရန်နှင့် 'မမျှတသည့် စစ်ဆင်ရေး' (Asymmetric Warfare) အတွက် အရေးပါသည့် မှတ်တိုင်တစ်ခု ဖြစ်သည်။ အမေရိကန်နှင့် ဗြိတိန်တို့၏ နည်းပညာအကူအညီဖြင့် တည်ဆောက်ထားသော ဤရေငုပ်သင်္ဘောတွင် အမေရိကန်ထုတ် တိုပီဒိုဒုံးကျည်များ တပ်ဆင်ထားပြီး၊ နောင်တွင် ဝေဟင်ပစ်ဒုံးကျည်များပါ တပ်ဆင်ရန် စီစဉ်ထားသည်။ ထိုင်ဝမ်သမ္မတ လိုင်ချင်းတယ်က ကာကွယ်ရေးအသုံးစရိတ်ကို ဒေါ်လာ ၄၀ ဘီလီယံအထိ တိုးမြှင့်သုံးစွဲမည်ဟုလည်း ကြေညာထားသည်။

ထိုင်ဝမ်၏ ကိုယ်ပိုင်ဒီဇိုင်းထုတ် ရေငုပ်သင်္ဘော ‘နားဝဲလ်’ ရေအောက်စမ်းသပ်မှု အောင်မြင်

ထိုင်ဝမ်၏ ကိုယ်ပိုင်ဒီဇိုင်းထုတ် ရေငုပ်သင်္ဘော 'နားဝဲလ်' ရေအောက်စမ်းသပ်မှု အောင်မြင် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္နဝါရီလ ၃၀။  ထိုင်…

  • January 30, 2026
မြန်မာ့ရွေးကောက်ပွဲရလဒ်ကို အာဆီယံအဖွဲ့ အသိအမှတ်မပြုကြောင်း ထုတ်ပြန် သတင်းနှင့် မီဒီယာ ကွန်ရက်။ 
၂၀၂၆  ခုနှစ်၊ ဇန္နဝါရီလ ၃၀ ရက်။ ဖိလစ်ပိုင်နိုင်ငံ၊ စီဘူးမြို့တွင် ကျင်းပပြီးစီးခဲ့သော အာဆီယံနိုင်ငံခြားရေးဝန်ကြီးများ အစည်းအဝေးအပြီး၌ မြန်မာနိုင်ငံ၏ ရွေးကောက်ပွဲရလဒ်ကို အာဆီယံအဖွဲ့အနေဖြင့် အသိအမှတ်မပြုကြောင်း အလှည့်ကျဥက္ကဌ ဖိလစ်ပိုင်နိုင်ငံက အတည်ပြု ပြောကြားလိုက်သည်။ စစ်ကောင်စီ ကျောထောက်နောက်ခံပြုထားသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) အနိုင်ရသည်ဟု ကြေညာထားသော ရွေးကောက်ပွဲရလဒ်ကို အာဆီယံအဖွဲ့ဝင် (၁၀) နိုင်ငံလုံးက လက်ခံခြင်းမရှိကြောင်း ဖိလစ်ပိုင်နိုင်ငံခြားရေးဝန်ကြီး ထရီဇာ လာဇရို (Theresa Lazaro) က AP သတင်းဌာနသို့ ပြောကြားခဲ့ခြင်းဖြစ်သည်။ စင်ကာပူနိုင်ငံခြားရေးဝန်ကြီး ဗီဗီယန် ဘလာခရစ်ရှနန် ကလည်း မြန်မာ့အရေးတွင် တရားဝင်မှုရှိသော အစိုးရတစ်ရပ် ပေါ်ထွက်လာရန်အတွက် အကြမ်းဖက်မှုများ ရပ်တန့်ရန်နှင့် သက်ဆိုင်သူအားလုံး ပါဝင်သည့် ဆွေးနွေးပွဲများ ပြုလုပ်ရန် လိုအပ်ကြောင်း ထပ်လောင်း အတည်ပြုခဲ့သည်။ ထို့အပြင် ယင်းအစည်းအဝေးတွင် တောင်တရုတ်ပင်လယ်ကိစ္စနှင့် ပတ်သက်၍ လိုက်နာရမည့် ကျင့်ဝတ် (Code of Conduct) ကို ယခုနှစ်အတွင်း အပြီးသတ်နိုင်ရန် တရုတ်နိုင်ငံနှင့် လစဉ် ဆွေးနွေးပွဲများ ပြုလုပ်သွားရန်လည်း သဘောတူညီခဲ့ကြသည်။

မြန်မာ့ရွေးကောက်ပွဲရလဒ်ကို အာဆီယံအဖွဲ့ အသိအမှတ်မပြုကြောင်း ထုတ်ပြန်

မြန်မာ့ရွေးကောက်ပွဲရလဒ်ကို အာဆီယံအဖွဲ့ အသိအမှတ်မပြုကြောင်း ထုတ်ပြန် သတင်းနှင့် မီဒီယာ ကွန်ရက်။ ၂၀၂၆ခုနှစ်၊ ဇန္နဝါရီလ ၃၀ ရက်။ ဖိလစ်ပိုင်နိုင်ငံ၊ …

  • January 30, 2026
ဘောလုံး ဒီပလိုမေစီ (ဗြိတိန်ဝန်ကြီးချုပ်က တရုတ် သမ္မတကို ပရီမီယာလိခ် ဘောလုံးလက်ဆောင်ပေး) သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇန္နဝါရီလ ၃၀ ရက်။ ဗြိတိန်ဝန်ကြီးချုပ် ကီယာ စတာမာသည် တရုတ်နိုင်ငံခရီးစဉ်အတွင်း သမ္မတ ရှီကျင့်ပင်ထံသို့ အာဆင်နယ်နှင့် မန်ချက်စတာယူနိုက်တက်တို့ ကန်ခဲ့သည့် ပွဲစဉ်မှ ဘောလုံးကို လက်ဆောင်ပေးခြင်းဖြင့် "ဘောလုံးသံတမန်ရေးရာ" (Football Diplomacy) ကို ဖော်ဆောင်ခဲ့သည်။ အာဆင်နယ်အသင်း၏ ပရိသတ်ဖြစ်သူ ဝန်ကြီးချုပ် စတာမာသည် မိမိအသင်း ရှုံးနိမ့်ခဲ့သည့်ပွဲမှ ဘောလုံးကို မန်ယူအသင်းပရိသတ်ဖြစ်သော သမ္မတ ရှီကျင့်ပင်ထံ လက်ဆောင်ပေးခြင်းဖြင့် ရင်းနှီးမှုနှင့် နှိမ့်ချမှုကို ပြသခဲ့ခြင်း ဖြစ်သည်။ ယင်းခရီးစဉ်အတွင်း ဗြိတိန်နိုင်ငံသားများ တရုတ်နိုင်ငံသို့ (၃၀) ရက်ကြာ ဗီဇာမလိုဘဲ သွားရောက်နိုင်ရေး သဘောတူညီချက် ရရှိခဲ့သလို၊ ဗြိတိန်ထုတ် ဝီစကီများအပေါ် အခွန်လျှော့ချရေးကိုလည်း ဆွေးနွေးနိုင်ခဲ့သည်။ ထို့အပြင် ဟောင်ကောင်ဒီမိုကရေစီအရေးနှင့် ဝီဂါလူနည်းစုအရေးကိစ္စရပ်များကိုလည်း ပွင့်လင်းစွာ ဆွေးနွေးခဲ့ကြောင်း သိရှိရပါသည်။

ဘောလုံး ဒီပလိုမေစီ (ဗြိတိန်ဝန်ကြီးချုပ်က တရုတ် သမ္မတကို ပရီမီယာလိခ် ဘောလုံးလက်ဆောင်ပေး)

ဘောလုံးဒီပလိုမေစီ  (ဗြိတိန်ဝန်ကြီးချုပ်ကတရုတ် သမ္မတကို ပရီမီယာလိခ် ဘောလုံးလက်ဆောင်ပေး)  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္နဝါရီလ …

  • January 30, 2026
အမေရိကန် မပါတဲ့ စစ်လေ့ကျင့်ခန်းကြီး တစ်ခုကို ဂျာမဏီတွင် နေတိုး (NATO) လုပ်မည် သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇန္နဝါရီလ ၃၀ ရက်။ ဥရောပနိုင်ငံများအပေါ် ရုရှား၏ ခြိမ်းခြောက်မှုများ မြင့်တက်လာနေချိန်တွင် နေတိုး (NATO) အဖွဲ့ကြီးသည် အဖွဲ့အတွင်း အင်အားအကြီးဆုံးဖြစ်သော အမေရိကန်ပြည်ထောင်စု ပါဝင်ခြင်းမရှိဘဲ ဂျာမနီနိုင်ငံတွင် အကြီးစား စစ်ရေးလေ့ကျင့်မှုတစ်ရပ် ပြုလုပ်ရန် ပြင်ဆင်လျက်ရှိသည်။ STEADFAST DART 2026 ဟု အမည်ပေးထားသော အဆိုပါ စစ်ရေးလေ့ကျင့်မှုသည် ၂၀၂၆ ခုနှစ်အတွင်း အကြီးမားဆုံးသော လေ့ကျင့်မှုဖြစ်လာမည် ဖြစ်သည်။ ဤစီမံချက်အတွက် ဇန်နဝါရီလ ၁၅ ရက်နေ့မှစတင်ကာ ဂျာမနီနိုင်ငံ၊ အမ်ဒန် (Emden) ဆိပ်ကမ်းသို့ အီတလီစစ်သင်္ဘောများဖြင့် စစ်သည်အင်အားများ၊ စစ်သုံးယာဉ်ပေါင်း ၁,၅၀၀ ကျော်နှင့် စစ်လက်နက်ပစ္စည်းများ စတင်ရောက်ရှိနေပြီ ဖြစ်သည်။ ထို့အပြင် ဇန်နဝါရီလကုန်နှင့် ဖေဖော်ဝါရီလဆန်းပိုင်းတို့တွင်လည်း နောက်ထပ် စစ်အသုံးအဆောင်ပစ္စည်း ထောင်နှင့်ချီ၍ သင်္ဘောများဖြင့် ဆက်တိုက် ရောက်ရှိလာရန် ရှိနေသည်။ ဤစစ်ရေးလေ့ကျင့်မှု၏ အဓိကရည်ရွယ်ချက်မှာ နေတိုးအဖွဲ့၏ အဆင့်မြှင့်တင်ထားသော အသင့်ပြင် မဟာမိတ်တုန့်ပြန်ရေးတပ်ဖွဲ့ (Allied Reaction Force - ARF) ၏ စွမ်းဆောင်ရည်ကို စမ်းသပ်ရန်ဖြစ်သည်။ အဆိုပါ တပ်ဖွဲ့ကို ကြည်း၊ ရေ၊ လေ အပြင် အာကာသ၊ ဆိုင်ဘာနှင့် အထူးစစ်ဆင်ရေး နယ်ပယ်အားလုံးတွင် အချိန်တိုအတွင်း အမြန်ဆုံး တုန့်ပြန်နိုင်ရန် ဖွဲ့စည်းထားခြင်း ဖြစ်သည်။ ယခုလေ့ကျင့်မှုတွင် အီတလီ၊ ဂရိ၊ ဂျာမနီ၊ စပိန်နှင့် ဗြိတိန်အပါအဝင် နိုင်ငံပေါင်း ၁၁ နိုင်ငံမှ စစ်သည်အင်အား ၁၀,၀၀၀ ခန့် ပါဝင်မည် ဖြစ်သည်။ နေတိုးအဖွဲ့၏ ဒုတိယစစ်ဦးစီးချုပ် မေဂျာဂျင်နရယ် နီကိုလာ မန်ဒိုလက်စီ (Nicola Mandolesi) က ဂျာမနီနိုင်ငံသို့ ဤတပ်ဖွဲ့များ ရောက်ရှိလာခြင်းသည် နေတိုးအဖွဲ့၏ ညီညွတ်မှု၊ အင်အားနှင့် ပြတ်သားမှုကို လက်တွေ့ကျကျ သက်သေပြလိုက်ခြင်းဖြစ်သည်ဟု ပြောကြားခဲ့သည်။ အဆိုပါ စစ်ရေးလေ့ကျင့်မှုသည် လာမည့်သီတင်းပတ်များအတွင်း ဂျာမနီနိုင်ငံမှတစ်ဆင့် အခြားဒေသများသို့ပါ နယ်မြေချဲ့ထွင်၍ ဆက်လက်ပြုလုပ်သွားမည်ဟု ဆိုသည်။

အမေရိကန် မပါတဲ့ စစ်လေ့ကျင့်ခန်းကြီး တစ်ခုကို ဂျာမဏီတွင် နေတိုး (NATO) လုပ်မည်

အမေရိကန် မပါတဲ့ စစ်လေ့ကျင့်ခန်းကြီး တစ်ခုကို ဂျာမဏီတွင် နေတိုး (NATO) လုပ်မည် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္နဝါရီလ ၃၀ ရက်။ ဥရောပနိုင…

  • January 30, 2026
ထိုင်းရွေးကောက်ပွဲအတွက် စနေ တနင်္ဂနွေ နှစ်ပတ် အရက်ပိတ်မည် သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဇန္နဝါရီလ ၃၀ ရက်။ ထိုင်းနိုင်ငံသို့ အကြောင်းအမျိုးမျိုးကြောင့် ရောက်ရှိနေသူများအနေဖြင့် လာမည့်ရက်သတ္တပတ်များ အတွင်း အရက်သေစာ ရောင်းချ သောက်စားမှုနှင့် ပတ်သက်၍ အထူးသတိပြုရမည့် တားမြစ်ချက်အချို့ ရှိနေပါသည်။ ထိုင်းနိုင်ငံ ရွေးကောက်ပွဲကော်မရှင် (EC) သည် ၂၀၂၆ ခုနှစ် အထွေထွေရွေးကောက်ပွဲကြီးကို စနစ်တကျရှိစေရန်နှင့် တရားမျှတမှုရှိစေရန် ရည်ရွယ်၍ တစ်နိုင်ငံလုံးအတိုင်းအတာဖြင့် အရက်သေစာ ရောင်းချခွင့်နှင့် တည်ခင်းဧည့်ခံခွင့်များကို ပြင်းပြင်းထန်ထန် ပိတ်ပင်တားမြစ်သွားမည် ဖြစ်ကြောင်း ကြေညာခဲ့သည်။ အဆိုပါ တားမြစ်ချက်သည် ဖျော်ဖြေရေးဇုန်များနှင့် ခရီးသွားလုပ်ငန်း နယ်မြေများအပါအဝင် မည်သည့်ဒေသကိုမျှ ကင်းလွတ်ခွင့်ပေးမည်မဟုတ်ဘဲ တစ်နိုင်ငံလုံးတွင် တပြေးညီကျင့်သုံးမည်ဖြစ်သည်။ ထိုင်းနိုင်ငံသားများသာမက နိုင်ငံခြားသားခရီးသွားများပါ ဤဥပဒေကို မပျက်မကွက် လိုက်နာကြရန် လိုအပ်ပါသည်။ အရက်သေစာ ရောင်းချခွင့်ကို ကြိုတင်မဲပေးမည့်ရက်နှင့် အမှန်တကယ် မဲပေးမည့်ရက်ဟူ၍ ကာလနှစ်ခုခွဲကာ အောက်ပါအတိုင်း ပိတ်ပင်သွားမည်ဖြစ်သည် - ၁။ ကြိုတင်မဲပေးမည့်ကာလ: ဇန်နဝါရီလ ၃၁ ရက် (စနေနေ့) ညနေ ၆:၀၀ နာရီမှ ဖေဖော်ဝါရီလ ၁ ရက် (တနင်္ဂနွေနေ့) ညနေ ၆:၀၀ နာရီအထိ။ ၂။ အထွေထွေရွေးကောက်ပွဲနေ့ကာလ: ဖေဖော်ဝါရီလ ၇ ရက် (စနေနေ့) ညနေ ၆:၀၀ နာရီမှ ဖေဖော်ဝါရီလ ၈ ရက် (တနင်္ဂနွေနေ့) ညနေ ၆:၀၀ နာရီအထိ။ လိုက်နာရမည့် စည်းကမ်းချက်များနှင့် ပြစ်ဒဏ်များ ·       အဆိုပါကာလအတွင်း ဖျော်ဖြေရေးဘား (Bars) များနှင့် ကလပ်များအားလုံးကို ပိတ်ထားရမည်ဖြစ်သည်။ ·       စားသောက်ဆိုင်များနှင့် အားကစားဘား (Sports bars) များ ဖွင့်လှစ်နိုင်သော်လည်း အရက်သေစာ လုံးဝရောင်းချခွင့် သို့မဟုတ် တည်ခင်းဧည့်ခံခွင့် မရှိပါ။ ·       7-Eleven ကဲ့သို့သော ကွန်ဗန်းနီးယန်းစတိုးများနှင့် လက်လီအရောင်းဆိုင်များတွင်လည်း အရက်ဝယ်ယူ၍ရမည် မဟုတ်ပါ။ ဤတားမြစ်ချက်ကို ဖောက်ဖျက်ကျူးလွန်ပါက ထောင်ဒဏ် (၆) လထက်မပိုသော ပြစ်ဒဏ်၊ ဘတ်ငွေ (၁၀,၀၀၀) ထက်မပိုသော ငွေဒဏ် သို့မဟုတ် ပြစ်ဒဏ်နှစ်ရပ်လုံး တပေါင်းတည်း ချမှတ်ခြင်း ခံရနိုင်ကြောင်း ထိုင်းအာဏာပိုင်များက အသိပေးနှိုးဆော်ထားပါသည်။

ထိုင်းရွေးကောက်ပွဲအတွက် စနေ တနင်္ဂနွေ နှစ်ပတ် အရက်ပိတ်မည်

ထိုင်းရွေးကောက်ပွဲအတွက် စနေ တနင်္ဂနွေ နှစ်ပတ် အရက်ပိတ်မည်  သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္နဝါရီလ ၃၀ ရက်။  ထိုင်းနိုင်ငံသို့ အကြေ…

  • January 30, 2026
ဘန်ကောက်မြို့၏ လေထုညစ်ညမ်းမှုနှင့် ကျန်းမာရေး သတိပေးချက်   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၉ ရက်။ ထိုင်းနိုင်ငံ ဘန်ကောက်မြို့တွင် လေထုအတွင်း အမှုန်အမွှား (PM 2.5) သိပ်သည်းဆ မြင့်မားလာခြင်းကြောင့် အာဏာပိုင်များက ကျန်းမာရေး သတိပေးချက်များ ထုတ်ပြန်ထားသည်။  ဇန်နဝါရီ ၂၉ ရက် တိုင်းတာချက်များအရ မြို့ပေါ်ရှိ နေရာပေါင်း ၂၄ နေရာတွင် လေထုအရည်အသွေးမှာ ကျန်းမာရေးကို စတင်ထိခိုက်နိုင်သည့် "လိမ္မော်ရောင်အဆင့်" သို့ ရောက်ရှိနေသည်။ ထို့ကြောင့် ပြည်သူများအနေဖြင့် ဖြစ်နိုင်ပါက နေအိမ်မှသာ အလုပ်လုပ်ရန် (Work From Home)၊ အပြင်ထွက်ပါက PM 2.5 ကာကွယ်နိုင်သည့် နှာခေါင်းစည်းများကို မဖြစ်မနေ တပ်ဆင်ရန်နှင့် အပြင်ဘက်တွင် ပြင်းထန်သော ကိုယ်လက်လှုပ်ရှားမှုများကို ရှောင်ကြဉ်ရန် တိုက်တွန်းထားသည်။ အထူးသဖြင့် ကလေးသူငယ်များ၊ သက်ကြီးရွယ်အိုများနှင့် ရောဂါအခံရှိသူများ အထူးဂရုစိုက်ရန် လိုအပ်ပြီး၊ ဖုန်မှုန့်လျော့ကျစေရန်အတွက် အမှိုက်ရှို့ခြင်း ရှောင်ကြဉ်ခြင်းနှင့် အများပြည်သူသုံး သယ်ယူပို့ဆောင်ရေးယာဉ်များကို အသုံးပြုခြင်းဖြင့် ပူးပေါင်းပါဝင်ကြရန် ဘန်ကောက်အာဏာပိုင်များက တောင်းဆိုထားသည်။

ဘန်ကောက်မြို့၏ လေထုညစ်ညမ်းမှုနှင့် ကျန်းမာရေး သတိပေးချက်

ဘန်ကောက်မြို့၏ လေထုညစ်ညမ်းမှုနှင့် ကျန်းမာရေး သတိပေးချက် သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္နဝါရီလ ၂၉ ရက်။ ထိုင်းနိုင်ငံ ဘန်ကောက်မြို့တွင…

  • January 29, 2026
ဗြိတိန် နှင့် တရုတ်တို့ နက်ရှိုင်းသော ဆက်ဆံရေးတည်ဆောက်ရန် ဆွေးနွေး   သတင်းနှင့် မီဒီယာ ကွန်ရက်။ ၂၀၂၆ ခုနှစ်၊ ဇန္နဝါရီလ ၂၉ ရက်။ ဗြိတိန်ဝန်ကြီးချုပ် ကီယာ စတာမာသည် တရုတ်နိုင်ငံသို့ ရောက်ရှိနေပြီး ယနေ့တွင် သမ္မတ ရှီကျင့်ပင်နှင့် ဘေဂျင်းမြို့၌ တွေ့ဆုံဆွေးနွေးခဲ့သည်။ ဤခရီးစဉ်သည် ရှစ်နှစ်တာကာလအတွင်း ဗြိတိန်ဝန်ကြီးချုပ်တစ်ဦး၏ ပထမဆုံးသော တရုတ်ပြည်ခရီးစဉ် ဖြစ်သည်။ ဝန်ကြီးချုပ် စတာမာက တရုတ်နိုင်ငံသည် ကမ္ဘာလုံးဆိုင်ရာကိစ္စရပ်များတွင် မရှိမဖြစ်အရေးပါကြောင်းနှင့် နှစ်နိုင်ငံအကြား ပိုမိုနက်နဲခိုင်မာသည့် ဆက်ဆံရေး (More Sophisticated Relationship) တည်ဆောက်လိုကြောင်း ပြောကြားခဲ့သည်။ သမ္မတ ရှီကျင့်ပင်ကလည်း အတိတ်က ဆက်ဆံရေး အနိမ့်အမြင့်များ ရှိခဲ့သော်လည်း ရေရှည်တည်တံ့သော မဟာဗျူဟာမြောက် မိတ်ဖက်ဆက်ဆံရေး တည်ဆောက်ရန် အသင့်ရှိကြောင်း တုံ့ပြန်ခဲ့သည်။ မနက်ဖြန်တွင် ရှန်ဟိုင်းမြို့၌ စီးပွားရေးဆိုင်ရာ သဘောတူညီချက်များကို လက်မှတ်ရေးထိုးရန် ရှိနေပြီး၊ အဓိကအားဖြင့် စီးပွားရေးနှင့် ဘဏ္ဍာရေးဆိုင်ရာ အဆင့်မြင့်ဆွေးနွေးပွဲများ ပြန်လည်စတင်ရန်၊ အစိမ်းရောင်စွမ်းအင်နှင့် နည်းပညာကဏ္ဍတွင် ပူးပေါင်းဆောင်ရွက်ရန်နှင့် ဗြိတိန်နိုင်ငံမှ စိုက်ပျိုးရေးနှင့် ဝန်ဆောင်မှုလုပ်ငန်းများကို တရုတ်ဈေးကွက်အတွင်း ပိုမိုချဲ့ထွင်နိုင်ရန် မျှော်လင့်ထားကြသည်။

ဗြိတိန် နှင့် တရုတ်တို့ နက်ရှိုင်းသော ဆက်ဆံရေးတည်ဆောက်ရန် ဆွေးနွေး

ဗြိတိန် နှင့် တရုတ်တို့ နက်ရှိုင်းသော ဆက်ဆံရေးတည်ဆောက်ရန် ဆွေးနွေး သတင်းနှင့် မီဒီယာ ကွန်ရက်။၂၀၂၆ ခုနှစ်၊ ဇန္နဝါရီလ ၂၉ ရက်။  ဗြိတိန်ဝန်ကြီးချုပ်…

  • January 29, 2026
×Close